(2021-09-25) Munyai, Ndwamato Robert; Netshisaulu, N. C.; Raphalalani, T. D.
Ṱhoḓisiso iyi yo bvisela khagala ṱhalano nga mvelele ya Tshivenḓa na ya Tshikhreste. Kha ṱhoḓisiso iyi ho sumbedzwa zwine mbingano ya Tshivenḓa ya vha zwone, u dzhenelela ha vhabebi, maambisele, u lugisela mbingano, lumalo, u swika kha u vhinga kana u vhingwa.
Ṱhoḓisiso iyi i dovha hafhu ya bvisela khagala khaedu dzo livhanaho na mbingano ṋamusi dzine dza vha u sa dzhenelela ha vhabebi kha mbingano dza vhana vhavho. Kha ṱhoḓisiso iyi hu dovha hafhu ha bviselwa khagala u ḓiṱoḓela vhafunwa ha vhaswa ano maḓuvha, zwiitisi zwa u sa malwa ha vhafumakadzi khathihi na u ṱoḓisisa uri ndi ngani vhanna ano maḓuvha vha si tsha mala vhafumakadzi vhanzhi.
Ṱhoḓisiso iyi yo dovha hafhu ya bvisela khagala zwivhangi zwa ṱhalano khathihi na masiandaitwa a vhangwaho nga ṱhalano idzi.