Tsenguluso ya kutalutshedzele kwa madzinamapambwa kha thalusamaipfi dza nyambombili dza Tshivenda na Tshiisimane dzo topolwaho

Abstract

Ṱhoḓisiso ndi ya tsenguluso ya kuṱalutshedzele kwa madzinamapambwa kha ṱhalusa-maipfi mbili dza nyambombili dza Tshivenḓa na Tshiisimane dzo topolwaho. Ṱhalusa-maipfi idzo ndi Tshivenḓa/English Ṱhalusamaipfi/Dictionary (Tshikota, 2006) na Venda Dictionary (Van Warmelo,1989). Kha ṱhalusamaipfi idzi hu vhonala hu na ṱhoḓea ya u lavhelesa thaidzo dzi vhangaho uri vhashumisi vhadzo vha si kone u bin-dula nga nḓila yo fhelelaho zwi tshi kwama kuṱalutshedzele kwa madzinamapambwa. Ndi zwa ndeme uri vhasikaṱhalusamaipfi vha ḓaho vha bveledze ṱhalusamaipfi dzine dza ḓo ṋekedza vhashumisi ṱhalutshedzo dzine vha nga kona u dzi shumisa hu si na vhukonḓi. Ṱhoḓisiso iyi yo ḓo bvisela khagala muhumbulo wa uri kuṱalutshedzele kwa madzinamapambwa kha ṱhalusamaipfi dza nyambombili dza Tshivenḓa na Tshii-simane ku tea u khwinifhadzwa u itela u swikela ṱhoḓea dza vhashumisi. Ṱhoḓisiso iyi yo ḓisendeka kha ‘Modern Theory of Lexicographical Functions’ yo bveledzwaho nga Wiegand (1989) ine ya katela ngudo ya zwa vhusikaṱhalusamaipfi na maitele a u vhumba ṱhalusamaipfi. Ṱhoḓisiso iyi yo itwa ho shumiswa ngona ya khwaḽithethivi ngeno tsenguluso ya mafhungo yo shumisa khethekanyo ya mafhungo u ya nga ther-wana dzo topolwaho nga muṱoḓisisi (thematic analysis).