Tsenguluso nga ha Thaidzo ya u Shumiswa ha Neolodzhizimu u bva kha Vhudavhidzani ha Matshilisano Zwikoloni zwa Sekondari zwo Nanguludzwaho Tshiṱirikini tsha Vhembe, Vunḓuni ḽa Limpopo, Afurika Tshipembe

Abstract

Ngudo iyi i khou lwisa u bvisela khagala thaidzo ya u shumiswa ha neoḽodzhizimu nga vhagudiswa zwikoloni zwa sekondari zwo nanguludzwaho. Ṱhoḓisiso iyi yo ḓisendeka nga u sedzesa kha kuṅwalele na mupeleṱo uri hu kone u wanala phambano vhukati ha maipfhi a vhukuma na ane a khou sikwa u bva kha zwiko zwo fhambanaho. Ho sedzwa na zwiko zwa neolodzhizimu na tshaka dza neolodzhizimu. Ho sedzwa na tshinyalelo ine ya khou vhangwa nga maipfhi a neolodzhizimu kha maṅwalwa a vhagudiswa zwikoloni.Ho shumiswa ngona ya khwaḽithethivi. Data yo kuvhanganywa kha vhavhudziswa vha mahumimararu. Afha ndi hune ho katelwa vhadededzi vha fumi, ṱhoho dza muhasho dza fumi na vhagudiswa vha fumi (10). Kha u sengulusa mafhungo ho shumiswa “content analysis”. Kha u kuvhanganya mafhungo ho shumiswa mbudzisavhathu na mbudziso. Sambula ho shuma ya khonadzeo ya u sa nangwa ya ndivho hune mudzulapo muṅwe na muṅwe ha vha na khonadzeo yauri a nga nangwa.Sambula iyi yo shumiswa u itela u wana vhavhudziswa vha re na tshenzhemo nga ha ṱhoḓisiso.