Tsenguluso nga thero ya vivho nganeani dzo topolwaho dza Tshivenda

Abstract

Ṱhoḓisiso iyi yo ḓitika kha u sengulusa thero ya vivho kha nganea dza Tshivenḓa mbili ‘Bulayo ḽo ṱalifhaho’ na ‘Mitsheṱo ya wa’. Ndivho khulwane ya ṱhoḓisiso iyi ndi u ṱoḓisisa mbonalo ya vivho, zwivhangi zwaḽo, na masiandaitwa aḽo kha matshilele a vhathu, khathihi na u sumbedza nḓila dzine dza nga shumiswa u fhungudza kana u langa masiandaitwa ayo kha vhushaka ha vhathu. Ṱhoḓisiso iyi i dovha ya lavhelela u bvisela khagala uri vivho a si tshithu tsha vhuḓipfi ha muthu muthihi fhedzi, ndi tshithu tsha mvelele na matshilele tshine tsha kona u kwama na u shandukisa vhuthihi ha vhathu. Ṱhoḓisiso iyi yo shumisa ngona ya khwalithethivi hune data ya kuvhanganyiwa nga u ḓitika kha zwiko zwa sekondari, zwihuluhulu maṅwalo a nganea dza Tshivenḓa. Nganea mbili, Bulayo ḽo ṱalifhaho (Magau, 1992) na Mitsheṱo ya wa (Magau, 1993), dzo nanguludzwa sa zwibveledzwa zwa mvelele zwine zwa bvisela khagala mbonalo ya vhutshilo ha Vhavenḓa, maitele avho, na ndeme ya zwipfhi kha vhathu. Mafhungo o senguluswa hu tshi shumiswa tsenguluso ya themantiki hune therwana dza vhekanywa ho sedzwa u fana na u elana hadzo, hu tshi shumiswa na u khouda ho vuleaho. Ṱhoḓisiso iyi i dovha ya ḓitika nga Thyiori ya Afrocentricity Social Changes (Molefe,1980) ine ya sumbedza uri vhuḓifari ha muthu vhu bva nga ngomu kha muthu, mihumbulo, vhuḓifhinduleli, maitele na maano ane muthu a vha nao. Ngauralo, zwiito zwa vhathu na maitele avho a vhutshilo zwi nga pfesesiwa sa masiandaitwa a mihumbulo ine ya nga katela vivho. Hezwi zwi thusa u ṱalutshedza uri vivho ḽi bvelela hani na uri ḽi kona hani u tshinyadza vhushaka ha vhathu na vhuthihi ha tshitshavha. Mawanwa a ṱhoḓisiso a sumbedza uri vivho ḽi na masiandaitwa mahulu, ane a katela u fhandekana ha miṱa, u bveledza phambano, u andisa mazwifhi, na zwiito zwa vhulumbavhathu zwi ngaho u rwiwa na u vhulawa. Hezwi zwi khwaṱhisa uri vivho ndi thaidzo ya ndeme ine ya tea u sedzwa kha vhupo honoho hune vhathu vha dzula khaho. Ngauralo, ṱhoḓisiso iyi i themendela uri hu vhe na nḓila dza u gudisa na u fhaṱa vhathu kha ndeme ya vhuthihi, u fulufhelana, na u langa vhuḓipfhi, u itela u fhungudza masiandaitwa a vivho. Nga u angaredza, ṱhoḓisiso iyi i shela mulenzhe kha u engedza nḓivho ya zwa mvelele na vhukwamani ha vhathu kha Vhavenḓa, nahone i ṋetshedza pfeseso yo teaho ya uri vivho ḽi shuma hani kha matshilele a vhathu.

This study is based on the analysis of the theme of jealousy in the Tshivenḓa novels Bulayo ḽo ṱalifhaho and Mitsheṱo ya wa .The main aim of this research is to study the nature of jealousy, its causes, and its effects on people’s lives, as well as to identify ways that can be used to reduce or manage its impact on social relationships. The study further seeks to demonstrate that jealousy is not merely an individual emotional experience, but also a cultural and social phenomenon that can influence and transform social cohesion within communities. This study employs a qualitative research approach, where data is collected from secondary sources, particularly Tshivenḓa literary texts. Two novels, Bulayo ḽo ṱalifhaho (Magau, 1992) and Mitsheṱo ya wa (Magau, 1993), were selected as novels that reflect the lived experiences of the Vhavenḓa people, their social practices and the role of emotions within society. The data were analysed using thematic analysis, where themes were identified and organised based on similarities and relationships, alongside the use of open coding. The study is also grounded in Afrocentric Social Change, which suggests that human behaviour is influenced by individual thoughts and intentions. Therefore, people’s actions and patterns of living can be understood as outcomes of underlying thoughts, including feelings of jealousy. This social theory helps explain how jealousy develops and how it can disrupt interpersonal relationships and social unity. The findings of the study reveal that jealousy has significant consequences, including family disintegration, the emergence of conflict, the spread of falsehoods, and violent behaviours such as assault and even murder. These findings emphasise that jealousy is a serious social issue that requires careful attention within communities. The study therefore recommends developing strategies to educate and empower individuals about the importance of unity, trust, and emotional regulation to reduce the negative effects of jealousy. In conclusion, this study advances knowledge of culture and social relations among the Vhavenḓa people and provides a deeper understanding of how jealousy operates in everyday social life.