Ligalelo lemitsi yesintfu ekutfutkuseni silulumagama sesiswati: umkhakha webwatimagama

Abstract

Lolucwaningo lutsintsa kusetjentiswa kwemitsi yesintfu lesuselwa etimileni nekubaluleka kwato ngeluhlelomagama ekutfutfukisweni kwelululwimi lweSiswati. Loku kungumhlahlandlela loletsa kukhanya ngekusetjentiswa kwelikhono nebuhlakani base Afrika ekwelapheni tifo. Sitfombe lesakhekako salabo labasebentisa imitsi yesintfu ekwelapheni senta kutsi bacatsaniseke kahle nalabo labasebentisa lwati lwaseNshonalanga labodokotela. Lolucwaningo lubalulekile ngobe lungasetjentiswa njengelwatisichasiso lwetemphilo lesisekelo yekwelapha tifo. Umcwaningi ugcizelela kutsi tihlahla letinyenti letitfolakala emakhaya etfu tibalulekile ekusetjentisweni njengemitsi yekwelapha. Lolucwaningo luveta kutsi lulwimi lweSiswati lunotsa kangakanani ngekusetjentiswa kwalamagama lachazako lacanjwe ngetihlahla letasetjentiswa belaphi bendzabuko. Lolucwaningo kulindzeleke kutsi liletse bunye kubodokotela besilungu nebalaphi bendzabuko. Luyokuba ngumnotfo welulwimi lweSiswati nembhalosisekelo lobalulekile kulomkhakha.