Thodisiso nga ha nyambo mbili mbinganoni ho sedzwa muta wa Vhavenda tshitirikini tsha Vhembe

Abstract

Ṱhoḓisiso iyi yo ḓisendeka kha u ṱoḓisisa zwine nyambo mbili mbinganoni dza ita kha vhavhili vho malanaho, kha mashaka na vhana vha mbingano iyo. Ṱhoḓisiso iyi yo shumisa thyiori ine ya pfhi ‘Social Exchange Theory’, ine ya amba nga vhathu vha re kha vhushaka ha u anḓana. Hu ḓo shumiswa ngona ya khwaḽithethivi, ine ya sedzana na zwine vhathu vha tenda khazwo na tshenzhemo yazwo. Ṱhoḓisiso iyi yo shumisa lushaka lwa maṱumbulele a si a khonadzeo. Ho shuma maṱumbulele a ndivho (purposive sampling). Ho shumiswa tshishumiswa tsha u kuvhanganya data tshine tsha vha inthaviyu u kuvhanganya data u bva kha miṱa ya rathi, ine khayo ha vha na vhavhingani vhane vho dzhena kha mbingano vha tshi amba nyambo dzo fhambanaho, hune luṅwe lwa hone lwa vha Tshivenḓa. Ho dovha hafhu ha itwa inthaviyu kha mashaka a miṱa iyo khathihi na vhana vhane vha bva miṱani iyo. Hu ḓo dzhielwa nṱha zwi bvaho na kha tshiko tsha sekondari u bveledza ṱhoḓisiso iyi. Ṱhoḓisiso iyi yo itwa kha vundu ḽa Limpopo tshiṱirikini tsha Vhembe kusini kwa Itsani. Maipfhi a