Lucwaningo Ngetakhiwo Letimbili Sangekhatsi Nesangaphandle Etinkondlweni Letikhetsiwe TeSiswati

Abstract

Lapha kulolucwaningo lutsintsa sakhiwo sangekhatsi nesakhiwo sangaphandle etinkondlweni teSiswati. Inkinga leyente kutsi ngibhale lulocwaningo kuvala sikhala lesikhona etinkondlweni teSiswati lapho bosonkondlo bangaveti kahle indlela lekumele ilandzelwe uma kuhlutwa nome kuhlatiywa tinkondlo ngalokuphelele. Tinongo tenkhulumo letikhetselwe lolucwaningo nguleti letilandzelako: sifaniso, sifanisongco, sihabiso, simuntfutiso, siphukuto, isathaya,sihlaneketelo nembiti noma khulumangco. Sakhiwo sangaphandle sigcamisa imvumelwano, luchumano, titandza, nemphindvwa. Emakhono lasekele lolucwaningo kube ngulawa latsintsa umbhali, umbhalo nemfundzi. Lolucwaningo lusisekelo nesilinganiso sekutfutfuka kwelizinga letinkondlo teSiswati nemakhono lasetjentiswako ekuveteni tingcikitsi nenhlelembiso. Ngisebentise indlela lecoca idatha ngekufundza emabhuku etinkondlo letehlukene naleminye imibhalo yeSiswati leyetsitsa kakhulu tinkondlo kanye netakhiwo tenkondlo. Lolucwaningo lutawuba Lusito kakhulu kubothishela, bafundzi nebabhali beSiswati lebanesifiso sekubhala tinkondlo letitfutfukisa lulwimi lweSiswati.