Ndangulo na Kutandulele kwa Khudano u ya nga Mvelele ya Vhavenda

Abstract

Afrika Tshipembe ndi shango ḽa mvelele nnzhi, na uri tshigwada tshiṅwe na tshiṅwe tsha mvelele tshi na milayo yatsho ine a i ho kha dzisisiṱeme. Milayo ya muvhuso wa tshiṱalula nga 1994, Afrika Tshipembe ḽo vha shango ḽa mbofholowo ḽa mvelele dzo fhambanaho, ḽi na u pfhesesa na ṱhonifho kha vhudzivha ha ndugelo dza pfhanelo. Muṅwe na muṅwe u fanela u ḓibaḓekanya na ndugiselo dza ndayotewa (Act 108 of 1996) ine wavha wone mulayo muhulwane wa shango. Maṅwe maitele a dziṅwe mvelele ane a lwa na ndayotewa a dzhiiwa a siho mulayoni. Ngauralo, huna maṅwe maitele a mvelele ane naho a tshi lwa na ndayotewa, a nga fhungudza tshikalo tsha khuḓano vhukati ha vhadzulapo kha tshitshavha na zwiimiswa zwa mulayo. Ṱhoḓisiso iyi yo ḓisendeka kha u ṱoḓisisa ndangulo na kutandululele kwa khuḓano uya nga mvelele ya Tshivenḓa. Ṱhoḓisiso iyi i ḓo shumisa mutheo wa ṱhoḓisiso wa khwaḽithethivi khathihi na ngona ya khwaḽithethivi i ḓo shumiswa u kuvhanganya, u saukanya khathihi na u ṱalutshedza datha. Datha i ḓo dzhiiwa ubva kha tshiko tsha Phraimari na tshiko tsha Sekondari. Maṱumbulele a nḓivho a ḓo shumiswa u ṱumbula muṱumbu hune ha vha Vhomaine, Mahosi na Vhomazwale. Zwo lavhelelwa uri ngudo iyi i ḓo themendela uri maṅwe maitele a Tshivenḓa, zwi tshi katela maitele avho a u langa na u tandulula, a fanela u tshekuluswa hafhu a dzhielwa nṱha nga vhaiti vha mulayo u itela u vhuisa mulalo ngomu kha vhadzulapo, kha zwitshavha na kha zwiimiswa zwa mulayo.