Abstract:
Lolucwaningo lutsintsa libito elulwimini lweSiswati. Lubukwe ngaphasi kwemikhakha lelandzelako: imphimisomsindvo, ingucukomsindvo, lubumbomagama, luhlelomisho nenchazomagama. Lolucwaningo lutawubuka luhlelo neluhlelembiso lolutsintsa titfo tenkhulumo letilandzelako: tikhanyiso, tihlanganiso, tibabato, tichasiso netilandziso. Lolucwaningo luyolandzela imikhakha yelulwimi. Lapha kutawuhlatiywa tinhlobo temabito letifana naleti: emabitomvama, emabitogcogca, emabitongco nemabitosimo. Kutawubukwa bomcondvofana, bomphimbohluka, bomabitofana, emagamatikhawu nalokunye. Kugcogceka nekuhleleka kwawo kutawulandzela imigodvu yabo-Doke, Meinhof naGivon.
